انت مش غلس وعاوز تبقى غلس خش وشوف من القاضي

يعنى عجيب اوى هههههههه

خليكم مع الموضوع
بص يا سيدي..علشان تكون شاب غلس لازم تسمع الكلام اللي انا بقولة دا كويس..ركز معايا:
- قوووول نكتة جاااااامدة طحن و طويلة..و ف النهاية-ف الحتة بتاع الافية-قول انا نسيتها..
و لو عايز قمة الرخامة..قول كنت عارفها بس نسيتها و كانت جااامدة اوي..

- هات بخاخة مطهر"ديتول"و امشي ورا صاحبك..كل ما يمسك حاجة..
قوم ترشها بالبخاخة علي طوووول

- طول مانتا قاعد قلد صوت الفاكس!!
- لو انتا ف مكروباس و اللي جنبك غفل و نام..قلد صوت كلكس العربية..و قول :تييييييييييت..
- لو رخم اوي و مصحيش..صحية..و لو نام تاني صحية تاني..خليك وراة يا نجم!!

- و انت بتتكلم ف موضوع اسكت او اقطع كلامك -بس اعمل انطباع انك هتكمل-
و ما.......بس خلاص

- لما حد يشتكيلك من حاجةاسمع منة كويس اوي اوي.. و بعد كدا قولة:
انا عندي مشاكل اكتر منك يا جدع..فكك مني

- ف المطعم بص لواحد و انتا ف ايدك اللقمة بصلة وقت طويل اوي..و قولة لما تحس انة بدأ يستغرب "ممكن الطحينة ثواني!!"

- لو انتا قاعد مع اصحابك بتتفرجوا ع التلفزيون و فصل الارسال
و عمل التلفزيون صوت:وش ش ش ش ش ..علي الصوت اوي
- لو مفصلش..غير القناه قبل نهاية المتش او المسلسل ب 5 دقايق- او ف حتة جااامدة-

- و انتا قاعد مع اصحابك صفر نشيد بلادي بلادي
- كرر الحركة بعد 10 دقايق

- كل ما حد يقول حاجة قولة:هاهاها..كل الناس فاكرة زيك كدا!!

- استلف قلم من صاحبك..وحط طرفة ف بقك...و اعمل نفسك بتفكر اوي ف حاجة و مندمج- وانتا قاعد تعضعض ف القلم!!

- اضحك لواحدة ف الشارع بصوت عالي و قولها:طب و انتي عاملة اية؟

- لو كنت بتتفرج مع اصحابك علي فيلم ف اوله..احرقة ف جملة واحدة!!
- و هما بيتفرجوا و تيجي حتة معينة..قلهم:انا مش قلتلكم!!

- ف المترو امضغ اللبانة بصوت عالي و ادوش اللي جانبك
- لو كان بيقرا جرنال اقرا معاه..و علي صوت اللبانة يا نجم

- لو واقف واحد متعرفوش جنبك بيعد فلوس..ف نص الفلوس قولة رقم عشوائي

باباك لما يكون بيتفرج علي ماتش مهم اوي روح عدي من ادام التليفزيون كل شويه
بسبب ومن غير سبب
مامتك تتفرج علي مسلسل ومتابعاه حلقه حلقه قبليه بنص ساعه هات الريموت وضيع القناه بالبحث وهات القناه بعد ميعاد المسلسل بنص ساعه واتفرج عليها عادي

واحد صاحبك مش معاه رصيد كافي عالموبيل اول مايجي يرن عليك افتح وقول:
مش هتقول بقي مين انت وعايز ايه وبعدين قوله معلش اصل في نمره بترخم عليه من الصبح وبحسبها انت معلش جت فيك ..

اخوك قاعد علي الكمبيوتر ليل نهار ومش راضي يقعدك روح افصل الكهربا من التيار الاساسي
بتاع البيت كله

خلي واحد جار ليكم مخنوق منه اوي واقف في البلكونه روح وانت في بلكونتك بردو بص له اوي اوي وابتسم ابتسامه خفيفه واعمل اكنك هتتكلم ولا هتمسي ولا اي حاجه وروح فجاه قافل الباب وشادد الستاره ...

اول ماتدخل بيتكم اقعد قول انا جعان انا جعان واسرعهم في البيت واكنك هتموت من الجوع واول مايجيبو الاكل قول لهم نفسي اتسدت

شكرا يا باشا عالاهانه
ههههههههههههههههههه

انا كدا مش هبئا غلس بس دا انا كدا هشلهم

هي دي حلاوتها